Nostalgia tataguk awan kucing marau

Masa akuk halui-halui lagik
Umak aur mangutani akuk
Bacerita kisah bahari
Urang bailmu sasat matek jadi hantok.

Bila bailun burung tataguk
Ja sidin hantu picak mancarik kakanak penangisan
Kaloko mencariei anaknya yang hilang
Banar-banar akuk ba ampih manangis
Salapas barukatan dangan abang utoh.

Bilak malam tadangar bunyi kayak urang manangis
Akuk tambah barusit rasa handak takamih
Ampih aku bakuriakan
Bilak umak manggibit pahak kuk
(wahini kok tahu ilun musang kakanyangan makan rambutan, maka ia bailun macam urang manangis)

Ayah…mengipul asap rukuk daun di lalukang
Balalkun sesakali amun akuk macal kadak mau guring
Aacaan manangkuri tawing kayak hanto mengarukut
Akuk basungkup dibawah gabang ampih maurie= ading yang manyusuk.

Bila babunyi kucing marau handak babini
Ayah umpat mangutani akuk
Amun kadak guring lage
Ja ayah hanto tu manyuruh kucing marau
Mancariek kakanak yang balaum guring-guring.

Kaipalah urang tuhak bahari menguringkan anak-anak
Al-maklum kadada TV yang dihadap
Yang ada ilun radio hagan mandangri barita dan laguk Piramlee
Lampu pulang kurup baminyak agas.

Esok handak manurehan
Papagi masti sampai kakabun gatah
Amun matahari dah tinggi
nureh kada basusu banyak.

Laluk anak-anak diacapi guring
Pukul 10 jangan bariuh guringan saparanakan
Hiran.. umak ngan ayah garunuman bapandiran
Kadak tahu apa-apa kekanakan
Ayah ngan umak lawas bapandiran gamat-gamat
Macam kadada siang, tumutan handak baguringan.
Tahu-tahu imbah sambilan bulan ba ading pulang akuk.

Aladeen Al-Banjaree 2009